--Ads--
Dumanonen iti lima a kaso ti Firework-Related Injury ti nailista dagiti otoridad iti rehion Cordillera.
Nailista dagitoy manipud laeng iti Disyembre 21, 2025.
Dagiti nakailista iti nasao nga insidente ket ti siudad ti Baguio ken Abra nga addaan iti sagdudua a kaso, ken Kalinga a maysa.
Dagiti biktima ket agpapada a lallaki no sadino nadangran dagitoy gapu iti boga, pla-pla, 5-star ken ti saanen a nabigbig a paputok.
Gapu iti dayta, nagpalagip manen ti Department of Health-Cordillera iti publiko a saan a piduten dagiti saan a pimtuk a fireworks, ken liklikan nga agaramat kadagiti paputok.
Iti kanito man a madangran ket dagus nga agturong kadagiti pagagasan tapno mataming a dagus.
