--Ads--
Nasarakan a pimmusay ti kaubingan a Mayor ti Ecuador a ni Brigitte Garcia ken ti advisor daytoy a ni Jairo Loor iti maysa a lugan sadiay Manabi idi kalman.
Daytoy ket sigun kadagiti otoridad sadiay South America bayat a manarimaan ti imbestigasyon maipapan iti panakapapatay dagitoy.
Ni Garcia ti kaudian a political figure a napapatay kalpasan ti panaka-assasinate ni Presidential candidate Fernando Villavicencio idi Agosto ti napalabas a tawen, ti maysa a critic maipapan iti korupsyon.
Gapu iti panagraira ti kinaranggas iti nasao a pagilian, indeklara ni President Daniel Noboa ti state of emergengy idi Enero ken daytoy ket nailaylayon agingga ita a bulan.
