Naipatungpal ti joint exercise iti nagbaetan ti Philippine Navy ken Japan Maritime Self-Defense Force idiay West Philippine Sea idi kalman.
Sigun iti Armed Force of the Philippines, ti Philippines’ BRP Jose Rizal ken Japan’s JS Sazanami ti nausar para iti umuna a bilateral Maritime Cooperative Activity (MCA) ti dua a pagilian nu sadino naisayangkat ti communications exercises, tactical manuevering ken photographic exercises.
Ti nasao a joint exercises ket addaan panggep a manpasayaat ti tactical capabilities ti Philippine Navy ken Japan Maritime Self-Defense Force ken wagas met tapno mapatibker pay ti relasyon ti dua a pagilian ken ti komitment dagitoy a mapagtalinaed ti kappia ken stability.
Iti sabali a bangir, immuna a nangipatungpal ti Estados Unidos ken Pilipinas iti joint maritime exercise idiay West Philippine Sea idi Miyerkules.
