--Ads--
Kinumpirmar ti Thailand a daytoy ti kaunaan a pagilian iti Asia a nakailista iti baro a variant ti monkeypox.
Ti nasao a pasyente ket nagtaud manipud Africa ken simmangpet sadiay Bangkok idi Agosto 14 ken nakakitaan iti simtomas ti nasao a sakit.
Sigun iti Thailand’s Department of Disease Control, agarup 43 nga indibidual ti bambantayan dagitoy a nagbalin a close contact ti pasyente nu pay kasta awanan dagitoy iti simtomas.
Ti panakaobserbar dagitoy ket aglas-od iti dua pulo nga aldaw.
Kabayatanna, amin nga indibidual a nagtaud kadagiti uppat a pulo ket dua a risk countries ket nasken nga agparehistro ken dumalan iti testings nu dagitoy ket agturong sadiay Thailand.
