BAGUIO CITY – Naballigi ti offsite voter registration nga insayangkat ti Commision on Elections (COMELEC) – Baguio iti lobby ti Baguio City Hall para kadagiti empleyado ti lokal a gobyerno ti siudad ken dagiti nagduduma nga ahensia ti gobyerno.
Iti panakiyuman ti Bombo Radyo kenni Atty. John Paul Martin, City Election Officer, kinunana a nasurok 400 nga indibidual ti nagparehistro iti insayangkatda a ‘Kawani Dapat Botante Ka’.
Dinakamatna a nagtaud iti nagduduma nga ahensia iti gobyerno kas iti Department of Industry, Philippine Statistics Authority, Bureau of Fire and Protection-Baguio ken dadduma pay nga empleado a nakikaykaysa iti nasao nga aktibidad.
Innayonna nga agtultuloy met latta ti panangguyuguy ti COMELEC-Baguio kadagiti dadduma pay nga empleado ti gobierno iti panagbalin dagitoy a frontliners iti panagparehistro kas botante iti pagilian.
