BAGUIO CITY – Totally closed ti Kennon road para kadagiti non-residents.
Iti met paset ti Millsite, Camp 6, saan a passable gapu ta agtultuloy ti panagtinnag ti batbato ken panagreggaay ti daga.
Iti interview ti Bombo Radyo kenni PCpl. Jordan Palongya, panakangiwat ti Tuba Municipal Police Station, awan ti nailista da a damage house iti Kennon road ngem sumagmamano kadagiti motorista ket naapektaran ti transportasyonda rason a naibilin kadakuada a magna-a iti Marcos Highway.
Maibasar pay iti kaudian a panangiwanawan dagitoy, awan ti nailista nga aniaman a kita ti panakadangran ken casualties malaksid iti nailista dagitoy nga uppat a balay ti partially-damaged.
Malaksid iti dayta, pito a pamilya wenno agarup agarup dua pulo ket lima nga indibidual ti agtaltalinaed iti evacuation center sadiay.
Kayatanna, nakalukat ti Marcos Highway iti aniaman a klase ti lugan ngem sumagmamano iti paset ti kalsada ket one lane passable.
Iti agdama, agpalpalagip ni PCpl. Palongya kadagiti sumang-at iti siudad a saan a mabalin a magna iti Kennon road ken maiyunay-unay metlaeng ti panagtalinaed kas alerto kadagiti pagtaengan.
