Ad-adalen ti Regional Tripartite Wages and Productivity Board (RTWPB) ti wage increase para kadagiti minimum wagers iti rehion Cordillera.
Sigun kenni Atty. Olivia Obrero-Samson, assistant regional director ti Department of labor and employment-Cordillera, aktibo amin a miembro ti nasao a board ken impasiguradoda a saan a mabaybay-an dagiti minimum wagers.
Innayonna pay a nakasagana ti DOLE a sungbatan ken solusionan dagiti pakaseknan a maaw-awat dagitoy.
Inlawlawag ti nasao nga opisial a mang-mangeganda ti arungaing ti publiko.
Nupay kasta, kasapulan a maadal ken maipasidong iti konsultasyon dagiti kiddaw a pannakaipangato ti sueldo a dumanon iti P1,200.
Daytoy ti kinuna ni Obrero-Samson, kabayatan ti naipatungpal a protesta idi kalman.//Bombo Noveh Organo
