Nilawlawagan ti National Security Council nga awan ti nakabasaranna ti kiddaw a maikkat ti anti-insurgency task force ti gobierno.
Sigun kenni National Security Council spokesperson Jonathan Malaya, dakkel a tulong ti National Task Force to End Local Communist Armed Conflict iti panagpakapuy dagiti “guerilla fronts”.
Kinunana nga agbalbalin a “game changer” iti pannakilaban ti NTF-ELCAC kadagiti kameng ti New People’s Army, dagiti “kakaduada”allied” ken dadduma pay a front organizations.
Para kenni Malaya, kayat dagiti makakaniggid a grupo a maikkat ti NTF-ELCAC gaputa mapapati a saanda kayat a laban ti gobierno dagiti rebelde a grupo.
Dinakamatna pay saan a kayat dagitoy nga agballigi ti gobierno kontra iti Communist Party of the Philippines-New People’s Army-National Democratic Front (CPP-NPA-NDF) gaputa dagitoy ket “anti-peace” ken “anti-development”.
Numan pay saan paylaeng a nagun-od ti nasayaat a talna manipod iti “leftist group”, dumanonen iti 1,000 ti agtaltalinaed a miembro iti guerilla fronts a nagwaras iti nagduduma a lugar iti Pilipinas kas maibasar iti datos dagiti otoridad.
Itay laeng nabiit, kiniddaw ti Human Rights Watch (HRW) kenni President Ferdinand Marcos Jr a kasapulan a magibusen wenno maikkaten ti “red-tagging” babaen ti pannakaikkat ti NTF-ELCAC.
Nangipaay pay ti nasao a grupo ti statement iti Korte Suprema ngem inlawlawag ni Malaya nga awan ti maaramidan ken saan a mabalin nga agdesision ti nasao nga ahensia iti pannakaikkat ti NTF-ELCAC.
