Imbinglay ni Senator Erwin Tulfo nga isaksakad ita ti minority bloc ti nainginget a panagadal iti napasamak a pinnaltog iti uneg ti senate building idi napalabas a lawas saan laeng nga iti napasamak ngem pati iti kinakurang ti transparency ken dagiti institusyon.
Sigun kenni Tulfo, kasapulan a maimbestigaran a nasayaat ti insidente tapno malawlawagan nu anya ti pudno a napasamak nangnangruna ta addu dagiti agsisinabali a bersyon iti napasamak.
Innayona a daytoy ket gapu ta impetteng ti mayorya a saan daytoy nga “staged” bayat nga adda dagiti mangibagbaga a planado daytoy ken pati ti National Bureau of Investigation (NBI) ket ilablabanda a saan dagitoy nga immatake iti senado.
Maysa pay kadagiti kayat daytoy a kwestionaran ket ti maatap a panagkedked ti senado a mangawat iti suspensyon ni Senate Sergeant-at-Arms Mao Aplasca ken iti subpoena para iti CCTV footage ti insidente manipud Office of the Ombudsman.
Sigun kenkuana, kababain nu adda ti subpoena ken imbestigasyon ket saan a makikooperate ti senado a kasapulan a sumurot iti linteg.
Impetteng pay daytoy a kasapulan nga ited ti CCTV footage tapno marugianen ti imbestigasyon.
Malaksid iti dayta, kweskwestionaran metlaeng ti senador ti maatap a warning shot a dimmanon iti 27 a putok, ken apay nga iggem ti senado amin nga ebidensya. //bombokaren.c.s
