BAGUIO CITY- Awan pay ti pangta a maaw-awat dagiti agkankandidato iti lokal a posisyon ditoy lokalidad para iti election 2022.
Iti interview ti Bombo Radyo Baguio kenni PLTCOL. Cleff Vencio, dadaulo ti Intelligience Unit ti Benguet Police Provincial Office, kinunana nga awan pay met ti maiyum-uman kadagitoy iti baet ti panagrugi met ti panagrugi ti panagkakampanya iti lokal a posisyon intun MArso 25.
Sigun kenkuana awan ti pagdanagan dagiti kandidato gaputa nainget met a maiwanwanan dagiti makakannigid a grupo.
Malaksid iti dayta, awan pay met ti mailislista iti lokalidad a panagriribok dagiti private armed group kadagiti naglabas nga eleksion iti baet dagiti malislista a bilang dagiti sumuksuko a makakannigid a grupo sipod nangrugi ti programa ti gobierno nga End Local Communist Armed Conflict.
Inayonna met a nakasagan ita dagiti kameng ti Benguet PPO nga agwanawan iti panagrugi ti kampanya iti lokal a posisyon malaksid pay kadagiti nagduduma nga trainings ken orientation nga ipatpatungpal dagitoy tapnu maipasigurado ti natalged a panagkakampanya.cd
