![](https://img.bomboradyo.com/baguio/2021/02/CPANEL_WARNING-1-1024x683-1.jpg)
BAGUIO CITY–Naipanamnama ti kinatalged ti kasasaad dagiti police trainees iti uneg dagiti training centers ditoy Baguio City.
Iti interview ti Bombo Radyo Baguio kenni Cordillera Administrative Region Training Center (CARTC) Executive Master Sargeant Bernard Briones, nainget iti pannakaipatungpal dagiti protocols kontra COVID19 iti uneg dagiti training centers tapnu maipasigurado ti natalged a kasasaad ken salun at dagiti nasurok 400 a trainees partikular sadiay Teachers Camp ken Sto. Tomas.
Malaksid iti dayta, imbinglayna a regular ti pannakaipatungpal ti check up kadagiti trainees ken dis infections iti training camp.
Innayunna nga adda ti nakasagana nga isolation facility dagitoy a pakaiturongan dagiti trainees a makitaan ti sintomas ti COVID19.
Mainaig iti dayta, kinunana nga online ita ti pamay-anda kadagiti academic activities dagiti trainees.
Kabayatanna, adda met dagiti naka-inhouse a police tactics sadiay para kadagiti kurso a kasapulan ti face to face a pannagadal partikular para iti skills development dagiti trainees kas iti arrest tecqniques ken dadduma pay
Pinagyamananna met ti philippine sports commision iti panangidiayada iti pasilidad dagitoy sadiay teachers camp nga agserserbi a pakaipatpatungpalan ti Physical Fitness Activities dagitoy.