Permanente a maksayanen ti bilang dagiti opisial nga aktibidad a pakipaspasetan ti agtawen ti 87 a ni King Harald ti Norway.
Kasaruno daytoy ti panagsakitna itay laeng nabiit, sigun iti royal household ita nga aldaw, April 22.
Ti kalakayan a sibibiag a monarch ti Europa ket naiturong iti pag-agasan idi Pebrero gapu iti impeksion bayat nga agbabakasion daytoy idiay Malaysia.
Immawat daytoy ti pacemaker tapno makatulong ti panagpitik ti pusona.
Idi Lunes, inrugi manen ni Harald ti pagrebbenganna kas maysa nga ari ken kas dadaulo kalpasan ti nasurok dua a bulan a saanna panagtrabaho gapu iti sakit daytoy.
Inlaksidna nga agsardeng daytoy gaputa impapilitna a ti sapatana kas ari ket agnanayon.
Iti opisial nga statement ti palasio, mabaliwanen ti kadawyan nga ar-aramiden ti ari iti masakbayan gapu iti kinataeng daytoy.
Manipod idi Pebrero, saan a naimatangan ti publiko ti nasao nga ari sakbay a pimmanaw nga agbakasion daytoy idi Pebrero.
Nu pay kasta, bayat ti kinaawan ti ari, inakem ni Crown Prince Haakon ti pagrebbengan ti tatangna.
Maipalagip a ni King Harald V, dadaulo ti ceremonial ti Norway manipod pay idi tawen 1991 ket kinanayon a maiturturong iti ospital gapu iti impeksion iti adu a tawen ken naipasidong pay daytoy ti heart ken cancer surgery.
Kabayatanna, ti 84-anyos a ni Queen Margrethe II ti Denmark ket bimmaba ti puesto idi Enero kalpasan ti 52 a tawen nu sadinno, intenda ti trono iti anak daytoy a ni Frederik.
