Maikonkonsidera nga nasaysayaat wenno mas user-friendly ti Automated Counting Machine a maaramat iti 2025 Midterm Elections.
Iti obserbasyon ni Attorney Gustavo Dalen, election idiay Bangued, Abra, nalawlawag ti panangipakita iti nasao a makina iti transparency kadagiti balota a basaen daytoy.
Iti panakiuman ti Bombo Radyo kenni Atty. Dalen,positibo ti nagbalin nga reaksyon wenno komento dagiti opsiyales iti nasao a munsipyo a nakipaset iti roadshow.
Kagiddan dayta, dinakamat ti opisyal nga ita a bulan iti Disyembre ket dagiti paylaeng karaman iti vulnerable sector ti pangiyam-ammoanda iti nasao a makina kas kadagiti senior citizen.
Malaksid iti dayta, panggepda metlaeng a mangipatungpal iti demonstrasyon iti pagbaludan para kadagiti Persons Deprived of Liberty(PDL).
Kabayatanna, panggepda met nga ipatungpal ti kapada nga aktibidad kadagiti babbarangay iti nasao a munsipyo inton Enero, sarunwen metlaeng dagiti mannursuro nga agserbi kas election personnel.//Bombo Rob Dominguez
