--Ads--
Impakammo ni Ombudsman Jesus Crispin Remulla a nakaawat ti kopya ti “unofficial” International Criminal Court (ICC) arrest warrant para kenni Sen. Ronald “Bato” dela Rosa.
Mainaig daytoy iti kaso a crimes against humanity iti makapapatay a war on drugs ti Duterte administration.
Sigun kenni Obudsman Remulla, adda iti Cellphone na ti warrant of arrest ngem saan a daytoy ti opisial a kopya.
Innayonna a dumalan daytoy iti proper channels tapno ma-implementar.
Maipalagip nga immuna a kinuna ti Department of Justice (DOJ) nga awan ti naawat ti gobierno ti pagilian a kiddaw ti Interpol tapno maarestar ni Senator Dela Rosa.
Nupay kasta, posible a maarestar ti nasao a Senador iti kanito a maipaulog ti warrant of arrest babaen iti ligal a proseso.
