--Ads--
Posible a maipatungpal ti kudeta iti Senado no sadino, maidurduron ni Senator Sherwin Gatchalian a sumukat kenni Senator Alan Peter Cayetano kas Senate president.
Iti baet ti agtultuloy a tension iti Senado, kinuna da Senator Francis “Kiko” Pangilinan ken Senator Panfilo “Ping” Lacson a ni Sen. Gatchalian ti makitkitada a posible a pagkaykaysaanda a suportaran.
Sigun kenni Sen. Pangilinan, suportado ti “Solid Bloc 11” ni Gatchalian a mangidaulo iti Senado.
Sigun met kenni Senator Lacson, adda ti kabaelan ken pakapadasan ni Sen. Gatchalian nga isubli ti kredibilidad ti institusyon kalpasan ti kontrobersiya kadagiti napalpalabas nga aldaw.
Nupay kasta, awan paylaeng ti direkta a kumpirmasyon maipapan iti nasao a maatap a kudeta.
