BAGUIO CITY – Nangipatungpal iti official weigh-in dagiti amin a personnel ti La trnidad Municipal Police Station mainaig pay laeng iti programa ti Philippine Ntaional Police a Mission: Slim Possible.
Sigun kenni Police Inspector Dencio Dayao, OIC Chief of Police ti La Trinidad Police, naala ti timbang dagiti sangagasut sangapulo ket tallo a personnel dagitoy ken nagdengegda iti lecture dagiti kameng ti Municipal Health Office ti La trinidad.
Kinunana nga iti weigh-in dagitoy ket adda met ti tallo nga “overweight” a kameng dagitoy.
Innayunna a mandato kadagiti amin a personnel nga agkissay iti timbang agingga iti 8.57 lbs [pounds] tapnu maala dagitoy ti quota a 1003 lbs manipod iti 6130 lbs a kasapulan ti Benguet PNP.
Paset ti Mission: Slim Possible ti PNP ti wellness lectures, zumba ken taebo activities tunggal martes ken hwebes, malaksid pay kadagiti dadduma a personal a physical fitness activities ti maysa a pulis tapnu maksayan ti timbang daytoy.
Maipalagip nga iti panagadal ti PNP ket ti Cordillera Police ti maikatlo nga addaan iti kaaduan nga overweight wenno obese a personnel iti intero a pagillian.
