BALITANG ESPESYAL – Saan a ninamnama ti maysa a lalaki idiay California a mabirokanna ti pudno nga ayat iti naidumduma a wagas kalpasan ti adu a daras a naloko daytoy dagiti babbai.
Ni George ket inakallaysana ti tarakenna a kalding nga agnagan ti Matites idiay California.
Sigun kenkuana, adu ti kontra iti desisyonna ngem saanna a malapdan ti panagayatna para kenni Matites.
Nagkallaysa ti dua iti maysa a nagarbo nga hardin idiay California.
Nagtalek met ni George a saan daytoy a masaktan ni Matites ken ayatenna daytoy iti tungpal biag.
Kadagiti Ka-Bombo a kanayon a maloko, sapay kuma ta saan yo a mapadasan ti aniaman a kita ti pananggundaway maipapan iti ayat tapno saan kayo a maitulad kas kenni George a kalding laengen ti solusyon iti ar-arapaapenna nga ayat.
