Naipilaan iti kaso a physical injury ti maysa a porter gapu iti panangdanugna iti maysa a vegetable packer La Trinidad, Benguet.
Ti suspek ket agtawen iti duapulo ket walo ken agnanaed iti San Luis, Baguio City, bayat a ti biktima ket agtawen iti duapulo ket tallo, single, ken residente iti Balili, La Trinidad.
Maibasar iti imbestigasyon dagiti otoridad, bayat ti drinking session ti biktima kadua ti gagayyem daytoy iti maysa a balay pag-inuman sadiay Barangay Pico, kellaat nga immasideg ti suspek kadakuada ken dinanugna ti agong ti biktima.
Sigun pay iti report ti pulisya, awan ti nabatad a rason nu apay a dinangran ti suspek ti nasao a biktima.
Dagus met a nagkiddaw iti tulong dagiti nakaimatang iti nasao nga insidente kadagiti kameng ti pulisya a manarimaan nga agpatpatrolya.
Gapu iti dayta,dagus a naarestar ti suspek iti metlaeng lugar a napakasamakan ti insidente.//Bombo Genzel Depayso
