--Ads--
BAGUIO CITY – Agtultuloy nga im-imbestigaran dagiti otoridad ti lamo-lamo a bangkay ti maysa a babai a nasarakan sadiay Alfonso Tabora, Trancoville, Baguio City pasado alas sais itay agsapa.
Maibasar iti inisyal a report, nakaawat ti BCPO Station 2 ti awag manipud iti maseknan nga umili seknan iti nakitana a bangkay ti babai.
Dagus a nagturong dagiti otoridad iti nasao a lugar ken ditoy a nakumpirmar ti bangkay ti saan pay a nabigbig a babai.
Awan ti suot ti biktima iti makin baba a paset ti bagina bayat a nakatali ti dua nga imana, nakabilan ti tape ti ngiwatna ken natalian iti belt ti tengnged na.
Manarimaan ita ti imbestigasyon para iti pakabigbigan ti suspek ken ti motibo daytoy.
