Kidkiddawen ni Presidential Adviser for Poverty Alleviation Secretary Larry Gadon kenni Vice President Sara Duterte nga agresign latta daytoy kas bise presidente ken saanna pailaeng nga urayen ti impeachment trial daytoy.
Sigun kenni Gadon, kayatna nga ag-step down ni VP Sara Duterte kas maika-dua a kangatoan nga opisyal iti pagilian gapu ta ammon ti publiko dagiti isyu a sasangoenna.
Karaman ditoy ti confidential funds ken ti mapapati a panangpangtana iti biag ni President Ferdinand “Bongbong” Marcos Jr.
Insingasing pay ni Gadon kenni VP Sara nga agresign daytoy ken saanna nga urayen a maimpeach daytoy.
Mamati ni Gadon a nu agresign ni Duterte kas bise presidente ket adda ti namnamana a mabalin nga agrugi manen iti nadalus a kampanya para iti 2028 presidential elections.
Iti agdama ket awan pailaeng ti statement ni VP Duterte mainaig iti daytoy.
