Nagduduma dagiti mapanpanunot dagiti tattao nga isagot kadagiti aggraduar.
Adda ti mangipapaaay ti money garland a nu daduma ket aglaplapusanan, adda met dagiti mangipapaay ti sabong wenno dagiti kadawyan a sagut.
Iti naminsan ket naipadamag metten a maysa a nagraduar ti nasagutan ti nasalun-at a kalding, nalabit ket adda metten dagiti daduma a nakaipaay ti sabali a klase ti dingwen.
Ngem iti kinaadu ti mabalin nga isagut, lechon a pato a naporma kas bouquet ti naawat ti maysa a nagraduar iti probinsya ti Guangdong sadiay China.
Mapapati nga iti kultura ti China, isimsimbolo ti nasao a sagut ti “success ken good fortune” rason a sipapannakkel met nga inawat ken binitbit ti babai a nakaawat iti daytoy.
Tinagiragsak met daytoy dagiti sumagmamano a netizen nu sadino, kinunada a praktikal ti nasao a sagut.
Sika ngay met kabombo, kayat mo kadi met a makaawat ti lechon pato kas maysa a sagut?
