Pormalen a nangisubmitir ti entry of appearance dagiti abogado ni Vice President Sara Duterte para iti impeachment trial-na, sigun iti pannakangiwat ti Senado.
Kinuna ni Atty. Reginald Tongol, pannakangiwat ti Impeachment Court, naawat ti Senado ti dokumento manipud iti Fortun Narvasa & Salazar law firm idi laeng kalman ti malem.
Sigun pay kenkuana, ti Office of the Secretary of the Senate ti immawat kas clerk ti impeachment court.
Karaman kadagiti abogado ni Duterte ket ti sigud a pannakangiwat ti Department of Education a ni Michael Wesley T. Poa, da Philip Sigfrid A. Fortun, Gregorio Y. Narvasa II, Sheila C.Sison, Carlo Joaquin T. Narvasa, Roberto N. Batungbacal, Justin Nicol B. Gular, Lindon Miguel C. Bacquel, David Ronell M. Golla VII, Maria Selena Golda R. Fortun, Clarlaine F. Radoc, Francesca Marie V. Flores, Miguel Carlos A. Fernandez, Reynold S. Munsayac, Mark C. Vinluan ken Ralph B. Bodota.
Iti agdama, awan pay ti komento manipod kenni VP Sara Duterte seknan iti baro a paset ti proseso ti impeachment.
