--Ads--
BAGUIO CITY – Mangipapaay ti Baguio City Police Office iti libre a sakay kadagiti residente ti Baguio a makaruar iti Baguio General Hospital.
Kinuna pay ti pulisya a mabalin nga aglugan dagiti agkasapulan a residente iti lugan ti pulisya iti nadutukan a pick-up ken dropping point iti BGH area.
Kabayatanna, epektibon ita nga aldaw, March 19, 2020 iti alas-singko ti malem (5PM) ti panagrikep dagiti amin a hardware stores, general merchandise, eletrical supplies, auto supply motorparts ken paint shops ditoy Baguio.
Inwaragawag metlaeng ni Mayor Benjamin Magalong a makitatrabahon ti city government iti DTI para iti deployment dagiti rolling stores kadagiti babbarangay. Padaanan ti kanayonan a detalye ditoy.
