BAGUIO CITY – Nakemmeg ti lima a high value indibidual iti iligal a droga kabayatan iti drug session dagitoy iti naipatungpal a Search Warrant sadiay Purok 11, Upper Pinget, Baguio City
Nabigbig dagitoy a da Judith Cortez, 41 anyos, residente iti nasao a lugar; Carla Sacyat Tandingan, 23 anyos, ken residente ti La trinidad, Benguet; Manuel Orijas Doro, 46 anyos, ken residente ti Green Water, Baguio City; Cristian Baras Sevillano, 32 anyos, ken residente ti Quirino Hill, Baguio City ken Annalyn Alipar Bernardino, 40 anyos, ken residente ti Quirino Hill, Baguio City.
Maibasar iti report, naala manipod kadagiti suspek ti 10 a pidaso ti pakete a naglaon iti mapapati a shabu nga agdagsen iti nasurok kumurang a 10 grams ken aggatad iti 68,000.00
Malaksid iti dayta, naala pay manipod kadakuada dagiti nagduduma a drug paraphernalia a pakairamanan ti aluminum foils, improvised tooter, plastic sachet, lighter, ken weighing scale
gapu iti dayta, sumango dagiti suspek iti kaso a panaglabsing iti RA 9165 wenno Comprehensive Dangerous Drugs Act of 2002
