Nabigbig itan dagiti private schools nga addaan iti mapapati a ‘ghost student’ a nailista kas benepesyaryo iti government’s voucher program no sadino masarakan dagiti lima sadiay Bulacan ken Pangasinan.
Sigun Department of Education (DepEd), im-imbestigaran dagitoyen dagiti tallo a pagadalan sadiay Bulacan bayat a dua met sadiay Pangasinan.
Dagiti met dadduma a pagadalan a mapapati a karaman iti daytoy ket masarakan sadiay Metro Manila, Pampanga, Tarlac, Rizal, Northern Samar, Davao del Sur, ken Maguindanao.
Daytoy ket kas maibasar iti imbestigasyon ti DepEd’s Government Assistance and Subsidies Service and Private Education Assistance Committee.
Kabayatanna, im-imbestigaran metlaeng ti Department of Education (DepEd) no adda pay dagiti accomplices.
Sigun kenni Education Secretary Sonny Angara, daytoy ti kitkitaenda gaputa dadduma nga impormasyon ket manmanu laeng nga indibidual ti makin-iggem iti daytoy.
Iti agdama, panggep dagitoy nga agnayon iti kanayunan a safety tapno i-secure ti voucher program.
