Dinar-ayan da Baguio City Mayor Benjamin Magalong ken Baguio Tourism Council Chairperson Gladys Vergara ti inagurasyon ti Cordillera Biodiversity of Love Mural ti Department of Tourism a naipatungpal idiay Barangay Camp 7, Kennon Road itay laeng nabiit.
Naipinta iti Love the Philippines Mural ti kinabaknang ken naidumduma a biodiversity ti Cordillera Region a paborito a destinasyon dagiti lokal ken gangannaet a turista.
Ti nasao a programa ket indaulwan ti Department of Tourism-Cordillera babaen kenni Regional Director Jovita Ganongan iti partnership iti siudad ti Baguio, Department of Envronment an Natural Resources-Cordillera, Department of Public Works and Highways-Cordillera, Barangay Camp 7, Sin-agi, ken ti Baguio Educators Art Guild (BEAG).
Sigun iti Department of Tourism-Cordillera, naihighlight iti mural ti naidumduma a kinapintas ti pagilyan a Pilipinas ken palagip a ti Baguio City ket maysa kadagiti United Nations Educational, Scientific and Cultural Organization wenno UNESCO Creative City.//Bombo Jordan Tablac
