Naidarumen ti lalaki a maatap a nangpapatay kenni Killua, ti 3-anyos a golden retriever idiay Bato, Camarines Sur para iti mapapati a kinaulpitna kadagiti ayup.
Daytoy ket sigun iti the Philippine Animal Welfare Society (PAWS) ita nga aldaw.
Iti tallo a panid a resolusion nga imbinglay ti PAWS, naduktalan dagiti prosecutors ti Camarines Sur ti “probable cause” tapno makasuan ti suspek iti maatap a panaglabsingna iti Republic Act No. 8485 wenno ti Animal Welfare Act of 1998.
Ngem nupay katsam sigun metlaeng kadagiti prosecutor nga awan ti umdas nga ebidensia tapno makasuan ti suspek iti panaglabsing ti Anti-Rabies Act of 2007 gapu iti maatap a pannakairamanna iti “dog meat trading.”
Maipalagip nga idi Marso, agkidkiddaw ni Vina Rachelle Arazas, agtagikua ti nasao nga ayup, iti social media ti hustisia gapu iti panangpapatay kenni Killua.
Maibasar iti CCTV footage, maimatangan ni Killua a limagto manipod iti bubong ti balay iti alas singko ti agsapa idi Domingo.
Maatap nga immatake ti aso iti maysa a residente a rason met ti pannagkamat ti maysa a lalaki ken binagbagsolna ti aso agingga a matay daytoy.
Sigun iti lalaki, ni Killua ket kimmagat kenkuana.
Inaklon ti PAWS a ni Killua ket nagpositibo iti rabies virus.
