BENGUET – Dumanonen iti pito a disqualification case ti sangsangoen ni Congressman-elect Eric Yap kalpasan a sangapulo ket tallo nga indibidual ti kaudian a nangipila iti petisyon kontra kenkuana.
Dagiti petitioners iti kaudian a disqualification case ket da Cresencio Akia, Danny S. Montes, Patricio A. Ananayo, Demetrio A. Martin, Ceasar D. Sotelo, Luis B. Santiago, Bronson B. Sacpa, Valentin C. Leo, Ramos S. Guivac, Eleazar B. Narciso, Marcial E. Flores, Leonero C. Joseph, ken Janielyn A. Takingan.
Ti disqualification case nga impila dagitoy ket seknan iti panakakwestionar ti citizenship daytoy.
Nupay kasta, kinuna ni Congressman-elect Yap a kadagiti disqualification a maipilpila kontra kenkuana ket awan ti umno nga ebidensya a mangsupsuporta iti petisyonda.
Gapu iti dayta, pangpanggepen ni Yap nga agipila iti counter charge kadagiti petitioners no sadino manarimaan ti panaka-draft dagiti charges a maipila kontra kadakuada.
Kinuna ni Yap a dakkel a panangdadael ti ar-aramiden dagiti sumagmamano nga indibidual rason a nasken nga agbalin dagitoy a “liable” gapu ta ti mapaspasamak ket saan nga ethical ken professional ken maysa daytoy a kita ti “mockery.”
Inyunay-unay pay ti kongresista a dagiti kaso a naipila kontra kenkuana ket napasamak kalpasan ti eleksyon idi naamoan nga ado ti nangibotos kenkuana.
Kabayatanna, impeksa ni Yap a sangoenna amin dagiti kaso a naipila kontra kenkuana kasta met a kinunana a sumango met iti korte dagiti petitioners.
” We know who’s behind all these but we will deal with that later. Kailangan lang muna sagutin ang mga ito otherwise, we risk not having a sitting Benguet Representative come July 1st. We will hurdle these and the petitioners will have their day in the court after.”
Benguet Congressman-elect Eric Yap
