Naituding inton February 20, 2025 ti laban ni Cordilleran MMA Fighter Kevin “The Silencer” Belingon ken ni Brazilian Mixed Martial Artist Bibiano “The Flash” Fernandes iti ONE 171: Qatar idiay Lusail Sports Arena, Doha Qatar.
Iti interview ti Bombo Radyo kenni Belingon, kinuna a magagaran iti maikalima nga ay-ayam dagitoy iti nasao a Brazilian MMA fighter.
Sigun kenni Belingon, ti umadani a labanda kenni Bibiano ket maysa a pakasaritaan ti One Championship mixed martial arts agsipudta dagitoy ti kaunaan nga aglaban iti maikaliman a gundaway.
Maipalagip nga iti uppat a panakilaban ni Belingon ken ni Bibiano,naminsanen a naabak partikular iti maikatlo a gundaway a nagsango dagitoy.
Nupay kasta, inkarina a padasenna a gun-oden ti titulo iti naituding a laban dagitoy agsipuda ditoy a makita ti nagsayaatan ti panagsaganana.
Iti agdama, agtultuloy ti panagsanay ni Belingon babaen metlaeng iti panakitinnulong dagiti kabunggoyna iti Lions Nation Mixed Martial Arts ken kinunana a naglevel-up daytoy nangruna iti Brazilian jiu-jitsu.
Kabayatanna, impeksa ti Cordilleran Mix Martial Artist a nakasagana nga agsanay iti ballasiw-taaw nu daytoy ket maipaayan iti gundaway.//mp4
