BAGUIO CITY – Narugianen ti panakaisayangkat ti tallo nga aldaw a marathon swab testing para iti COVID-19 iti Baguio, La Trinidad, Itogon, Sablan, Tuba and Tublay (BLISTT) Area, pakairamanan ti munisipyo ti Mankayan, Benguet.
Sigun kenni Mayor Benjamin Magalong, naisayangkat ti nasao a mass testing gapu iti killaat a panagngato manen ti kaso ti COVID-19 iti Baguio ken Benguet.
Kinunana a ti resulta ti mass testing ti agbalin a basaran no maingetan manen dagiti paglintegan kadagiti border control checkpoints iti BLISTT Area.
Dinakamatna a nagkiddawda manen iti kanayonan a 7,500 a test kits manipud iti Bases Conversion and Development Authority ken sag-2,500 ti Baguio City, ti LISTT Area ken ti Mankayan.
Maisayangkat ti mass testing sadiay Melvin Jones para iti Baguio City ken maipangruna dagiti narisgo a sektor kas kadagiti market vendors, drivers, restaurant workers ken construction workers.
Impasigurado pay ni Mayor Magalong nga iti kanito nga adda dagiti agpositibo ket umdas dagiti quarantine facilities ti siudad a mangakomodar kadagitoy.
Agpado ti mass testing inton bigat, December 18.
