Impetteng iti Malacañang a mabalin a mapilaan iti criminal case ni Vice President Sara Duterte uray agtultuloy ti impeachment trial kontra kenkuana.
Sigun kenni Palace Press Officer Claire Castro, nagduma ti proseso iti criminal case ken impeachment case, ken awanan iti “immunity from suit” ti bise presidente.
Naipila iti Department of Justice ti reklamo a grave threat kontra kenni Duterte seknan iti statement na a nagabang daytoy iti maysa a tao tapno ipapatay ni Presidente Ferdinand “Bongbong” Marcos Jr. ken dadduma pay iti kanito a matay daytoy.
Kinuna metlaeng ni Castro nga iti panagkitana ket saan nga umdas ti grave threats case ken mabalin nga adda pay ti dadduma a panaglabsing iti nagbalin nga statement ni Duterte.
Kabayatanna, kinuna iti abogado ni Duterte nga aramatenda ti amin iti ligal nga addang a mabalin a maaramat.
