Nagbalakad ti Palasyo iti naan-annad ken responsable a panangireport ti media kadagiti insidente ti pammaltog kadagiti pagadalan nangnangruna karaman ditoy ti menor de edad.
Sigun kenni Palace Press Officer Undersecretary Claire Castro, rumbeng a maliklikan ti panangipaay kadagiti detalye a mabalin a mangitunda iti copycat acts.
Impetteng metlaeng daytoy a napateg a maisuro kadagiti agtutubo ti nasayaat a kagagalad, panangraem kadagiti dadduma ken nasayaat a pannakilangen kadagiti kaklase ken mannursuro dagitoy.
Kasaruno daytoy ti nagsina nga insidente iti pammaltog iti maysa a pagadalan idiay Tacloban ken Ateneo de Zamboanga.
Kinidaw ti Palasyo iti media a protektaran ti dignidad, seguridad, ken privacy dagiti menor de edad kasta metten kadagiti pamilya dagitoy.
Iti sabali a bangir, adadda a pinainget ti Department of Education (DepEd) ti seguridad kadagiti pagadalan kalpasan dagiti napasamak nga school shooting incident. //𝓴𝓬𝓼//
