--Ads--
Kidkiddawen ti Malacañang kadagiti grupo a mangisaysayangkat iti protesta inton Setiembre 21 a pagtalinaeden ti natalna a tignay-protesta ken liklikan ti kinaranggas.
Sigun kenni Palace Press Officer Undersecretary Claire Castro, saan a lapdan iti gobierno ti karbengan nga agkaykaysa dagiti grupo ken mangiyebkas iti kapanunotanda.
Agsagsagana met ti DILG ken PNP para kadagiti posible a mapasamak kadagiti protesta a malagip ti panangideklara iti Martial Law idi 1972.
Kinuna ni Castro a patignayen dagiti otoridad ti maximum tolerance bayat iti panagserbida iti pagrebbenganda.
Buyaen ti paset ti pannarita ni Undersecretary Claire Castro: (Courtesy: RTVM) // kcs
