Impeksa ti Department of Health-Cordillera (DOH-CAR) a dagiti mannalon ti kadawyan a maap-apektaran iti sakit a leptospirosis.
Sigun iti nasao nga ahensya, 14 wenno 63 percent manipud iti 22 a kaso ti leptospirosis ti nairekord dagitoy idi January 1 agingga February 1, 2025 no sadino dagitoy ket dagiti mannalon iti rehiyon Cordillera.
Imbinglay ni Victoria Malicdan, Nurse V, DOH-CHD-CAR, a nangatngato ti kaso ita a tawen nu idilig idi napalabas a tawen nu sadino 16 ti nairekord idi napalabas a tawen iti kapada metlaeng a period.
Kangatuan kadagiti nakairekord iti daytoy ket sadiay Apayao nga addaan iti sangapulo ket uppat (14), Kalinga a lima (5), Abra a dua (2), Baguio City a maysa (1) bayat nga awan ti nairekord iti probinsya ti Benguet, Ifugao ken Mountain Province.
Innayonna a dagiti kangrunaan nga apektado iti sakit a leptospirosis ket dagiti lallaki nga agtawen iti 8 agingga 65 anyos.
