Indeklara ti Palasyo Malacañang ti Mayo 27, 2026 kas regular holiday iti pagilian a Pilipinas.
Panggep daytoy a maipaayan dagiti Muslim iti gundaway a mangrambak iti Eid’l Adha wenno Feast of Sacrifice.
Naideklara daytoy kalpasan a panimaan ni Acting Executive Secretary Ralph Recto ti Proclamation No. 1264, babaen iti pammalubos ni President Ferdinand Marcos Jr.
Maipalagip a ti Eid’l Adha ket pagaammo metlaeng a piesta ti panagsakripisio a pananglaglagip iti kinamatalek ni Ibrahim iti Dios idi nabilin nga idatonna ti anakna kas panagtulnog iti nadiosan a bilin.
Maibasar iti proklamasion, inrekomendar ti National Commission on Muslim Filipinos ti pannakaideklara ti holiday.
Iti sidong ti linteg, maikari nga umawat iti holiday pay dagiti impleyado nga agtrabaho iti nasao nga aldaw.
