Ammo yo kadi kabombo a pimmusay ti maysa a babai kalpasan nga inalun-on daytoy ti maysa nga uleg idiay Central Indonesia?
Nabigbig daytoy a ni Farida, agtawen iti uppat a pulo ket lima a residente iti Kalempang village idiay South Sulawesi province.
Sigun iti asawa daytoy, nasarakanna dagiti usar ni Farida isu’t gapuna a dagus dagitoy a nagbiruk no sadino idiay da a nasarakan ti maysa a python nga addaan iti dakkel a tyan.
Gapu iti daytoy, nasdaaw dagitoy isu’t gapuna a napagdesisyunanda nga iwaen ti tiyan daytoy, ditoy met a nakitada ti ulo ni Farida nga awanan biag.
Maipalagip a saan laeng a daytoy ti umuna nga adda napasamak a kapadana nga insidente agsipud ta idi laeng 2018 ket naipadamag ti 54-anyos a babai a nasarakan metlaeng iti tiyan ti maysa a python.
