Pimmusay ti maysa a Filipino nurse bayat a nagsagrap iti nakaru nga injury ti dua a kadwana, kalpasan a na hit-and-run dagitoy sadiay Tabuk City, Saudi Arabia idi Lunes, January 02, 2026.
Sigun iti Migrant Workers Office sadiay Jeddah, amin dagiti biktima ket Pilipino a nagtaud iti Tabuk Park Mall.
Paawid dagitoy idi napasamak ti insidente.
Maibasar iti imbistigasion, manarimaan ti panagdalyasat dagitoy iti kalsada idi dinumpar ti naipegges ti tarayna a lugan.
Naiturong dagitoy iti ospital ngem naideklara metlaeng a dead on arrival ti maysa kadagiti biktima.
Napakaammuan metten ti pamilya dagitoy iti pagilian.
Sigun iti Migrant Workers Office, maipapaay ti kaskenan a tulong para kadagiti biktima.
Kabayatanna, agkidkiddaw dagiti pamilya ti biktima iti hustisya ken tulong para iti dagus a pannakaiyawid dagiti kapamilyada iti pagilian.
