BAGUIO CITY – Natumba ti maysa a forward truck a nakailuganan ti maysa a backhoe kalpasan a naawanan iti kontrol iti preno ti driver daytoy sadiay Km.25, Saddle, Caliking, Atok, Benguet itay malem.
Sigun ken ni Ferico Adiston, driver ti nasao a forward truck, nalose-break ti inmanehona a truck kabayatan ti panagdalyasatna iti kurba a paset ti kalsada a nangitunda iti pannakatumba daytoy.
Kinunana a nagapo ti truck sadiay La Trinidad, Benguet ken paturong koma sadiay Buguias, Benguet tapno mangitulod iti kargana a backhoe a maaramat iti panakatarimaan ti garden.
Awan ti nadangran ti nasao nga insidente malaksid laeng iti nabu-ong a sarming ti nasao nga truck.
Nangitunda met iti nailet a gunay ti trapiko iti Halsema Highway ti napasamak nga isidente.
Sigun kadagiti residente ti Caliking, Atok, maysa nga accident prone area ti nasao a disso ken daytoyen ti maikadua a napasamak nga aksidente sadiay kalpasan a malose-break ti maysa a bus idi napalabas a bulan. [with Bombo Florence Paytocan]
