ESTADOS UNIDOS – Lesson learned para iti maysa a police lieutenant ti saan a panagaramat iti aniaman nga alikamen a kukua ti pagtrabtrabahoan para iti personal use.
Kasaruno daytoy ti panagaramat ti pulis iti city security cameras a mang-espiya iti asawa-na idiay Estados Unidos.
Sigun kenni sigud a lieutenant a ni Ryan Terrell, napaliiwna nga adda ti maatap a relasyon ti asawana iti sabali pay a lalaki nu sadino kadwana metlaeng a police officer.
Sigun iti South Carolina Criminal Justice Academy Notice of Disciplinary Action, inaramat ni Ryan ti security cameras ti City of North Charleston.
Gapu iti dayta, naduktalan nga adda ti relasyon ti asawana iti maysa a sergeant.
Maibasar pay iti imbestigasyon, saan a pangta ti inaramid ni Ryan nu diket binagbagaanna laeng ti asawana a nu maduktalanda ket matiliw dagitoy.
Iti baet dayta, na-demote ni Ryan iti posisyonna kas master patrol officer.
Naipasidong pay daytoy ti six-month probation period, naikkat ti accessna iti security system, ken naiyakar iti patrol division.
