BAGUIO CITY – Binalakadan ti maysa a solo parent ken violence against women advocate dagiti adda ti karelasyonna ken dagiti agpaplano nga agkasar kasaruno ti pannakaipasa ti divorce bill iti House of Representatives.
Sigun kenni Ma. Cynthia Abalos, nasken nga ammoen nga usto ti family background ken katatao ti karelasyon sakbay nga agpakasar.
Innayonna a nasken nga adalen a nalaing ti ugali ti nobya wenno nobyo tapno tapno maliklikan ti panagsina nu nagkallaysan dagitoy.
Impeksa ni Abalos a rumrumwar ti pudno nga ugali ti maysa a tao nu nalpasen ti kasar isu’t gapuna nga adu dagiti agsinsina.
Impettengna pay a nasken a nakasagana ti asawa a babai ken lalaki nu maipapan iti financial, physical, emotional, mental ken spiritual a banag tapno agballigi ti relasyon dagitoy.
AVC ABALOS
Ni Abalos ket maysa kadagiti mangpabpabor iti diborsiyo gapu ta sigun kenkuana ket ado dagiti babbai a mangpilpili nga agtalinaed iti sinapataanda idi nagkallaysada uray pay maab-abuso dagitoy iti sidong dagiti assawada.
