--Ads--
Naipila ti reklamo a “disbarment” kontra iti maysa nga abogado gapu iti kinunana a lipakenna ni First Lady Liza Marcos.
Kinumpirmar daytoy ti abogado ken university professor a ni Andre de Jesus a nangipilada ti reklamo kontra kenni Atty Glenn Chong.
Sigun kenni De Jesus, kinarit ni Chong ti First Lady a sanguenna daytoy tapno malipakna iti “back-to-back” bayat ti panagprotesta dagitoy idi bulan ti Marso.
Impaganetget ni De Jesus a saan kuma nga “impertinent” dagiti abogado.
Sigun kenni De Jesus, rumbeng a saan a bastos dagitoy iti aniaman a lugar a kas iti korte, pulitika wenno iti pagtaengan ken nangruna kadagiti babbai.
Iti agdama, awan pay ti komento ni Chong seknan iti nasao a banag.
