Impanamnama ni President Ferdinand Marcos, Jr. a saan a sumardeng dagiti addang ti administrasyon tapno masolusyonan dagiti kinakurang ti pabahay ken maikan ti nasayaat a pagtaengan dagiti rinibrino a Pilipino.
Babaen iti Pambansang Pabahay para sa Pilipino Program (4PH), impetteng ti presidente nga adadda nga abot-kaya ita dagiti ordinaryo a Pilipino a maadaan iti bukodna a balay.
Daytoy ket gapu iti ipatpatungpal a subsidized interest rates ti gobyerno a maysa agingga tallo a porsyento laeng.
Maibasar iti report ni Department of Human Settlements and Urban Development (DHSUD), maidiaydiaya ti nagduduma nga opsyon iti sidung ti 4PH Program pakairamanan ti vertical housing facilities ken house-and-lot packages.
Tapno personal a makita ti progreso ti programa, bimmaba mismo ti presidente iti komunidad idiay Central Luzon para kumustaen dagiti pamilya a nakaawat iti ‘pabahay’.
Karaman pay kadagiti ininspeksyon ni President Ferdinand Marcos, Jr. ti maysa a housing project idiay Pampanga, pati metlaeng ti Palayan Township project idiay Nueva Ecija. //bombokaren.c.s
