Inaresto ti National Bureau of Investigation (NBI) ti sigud a journalist ken television host a ni Jay Sonza ita a rabii iti pagtaengan daytoy idiay Quezon City gapu iti kaso a cyberlibel.
Kinumpirmar daytoy ni National Bureau of Investigation (NBI) Director Melvin Matibag.
Sigun kenni kenkuana, nangiruar ti warrant of arrest ti Pasay City Regional Trial Court ita nga aldaw a nagbalin a basaran ti pannakaaresto ti sigud a broadcaster.
Iti agdama, adda iti kustodiya ti National Bureau of Investigation ni Sonza.
Kabayatanna, dagos met a naglawlawag ti abodago ni Sonza a ni Atty. Mark Tolentino a mapan daytoy iti opisina ti NBI tapno siguraduen a maprotektaran dagiti karbengan ti kliyente daytoy nangnangruna ta maysa daytoyen a senior citizen.
Nagramut ti kaso a cyberlibel idi Pebrero no sadino nangipila ti NBI ti kaso kontra kenni Sonza ken vlogger a ni Jeffrey Luces Celiz wenno maaw-awagan a “Ka Eric Celiz” gapu iti maatap a panangiwaras ti peke a medical records ni President Ferdinand Marcos, Jr. //kcs//Jay Sonza, inaresto ng NBI dahil sa kasong cyberlibel
