Naireklamo ti maysa nga indibidual iti La Trinidad Municipal Police Station iti kaso nga unjust vexation.
Daytoy ket kalpasan a nakaawat iti mensahe ti 35-anyos a biktima, addaan asawa ken residente sadiay Pico, La Trinidad kadagiti nagdadakes a pannarita a kas iti “chismosa, feeling maganda, walang respeto, ken naangot” babaen iti messenger account daytoy.
Nabigbig met ti suspek a residente ti Lower Tomay, Tawang, La Trinidad.
Maibasar iti blotter,nasayaat ti inistoryaan dagitoy iti social media agingga a nagturong daytoy iti pammadakes ti suspek iti biktima.
Malaksid iti dayta, binalaagan pay ti suspek ti biktima a kikitanna ti likod daytoy ta baka daytoy ti sumaruno kadagiti maipadpadamag kadagiti news outlets.
Maipalagip a ti unjust vexation ket ti saan a nasayaat a pannarita wenno pammadakes iti kapada a tao.
