Impeksa ti maysa nga obispo ti simbaan ti Katolika ti namnamana a mabalin a mapasamak iti kabiitan a panawen ti nabayagen nga ururayenna a pannakayakar ni Mary Jane Veloso, maysa a Filipino death row inmate idiay Indonesia.
Sigun kenni Antipolo Bishop Ruperto Santos, ti damag a maiyakar ni Veloso iti Pilipinas ket maysa a “crucial moment” para kenkuana ken ti pamiliana.
Idi napalabas a lawas, kinuna ti Coordinating Ministry for Legal, Human Rights, Immigration, and Correction (Kemenko Kumham Imipas) ti Indonesia nga inkonsiderada ti “transfer of prisoner” wenno “prisoner transfer” para kadagiti ganggannaet a balud, agraman ni Veloso, kas paset ti constructive diplomacy.
Kinumpirmar met daytoy ti Department of Foreign Affairs idi kalman.
Idi 2015, kinuna ni daydi Indonesian President Joko Widodo a naipaayan ni Veloso ti “temporary reprieve” manipod iti naituding nga “execution” wenno pammapatay daytoy gapu iti mapapati a human trafficking.
Naipila iti Regional Trial Court ti Nueva Ecija ti kaso a human trafficking ken large-scale illegal recruitment kontra kadagiti traffickers ni Veloso a da Julius Lacanilao ken Cristina Sergio.
Idi 2020, naipaay ti “guilty verdict” iti kaso ti illegal recruitment kadagiti recruiters ngem “pending” paylaeng ti kaso a trafficking.
