--Ads--
BAGUIO CITY – Naipatungpal ti modified liqour ban ditoy syudad ti Baguio nangrugi idi kalman.
Maibasar iti pammilin nga inpaulog ni Baguio City Mayor Benjamin Magalong, nangrugi ti liqour ban idi kalman ken agleppas inton Disyembre 4, 2020.
Nakalanad iti pammilin ti pannakaipawil ti panaginum ken panagilako iti arak iti oras ti alas otso ti rabii aginggat alas otso ti agsapa.
Nabilin dagiti kameng ti Baguio City Police Office, Public Order and Safety Division, City Health Services Office ken Permits and Licensing Office a mangbantay iti implementasion ti modified liqour ban.
