Agtultuloy ti panagwanawan ti DSWD- Cordillera iti epekto ti HAbagat a pinapigsa ti bagyo a Goring ken Hanna.
Iti pannakaiuman ti Bombo Radyo kenni Leo Quintilla, Regional Director ti DSWD-CAR, pakabuklan a 21,408 nga indibidual wenno 6,089 a pamilya ti naapektaran manipud iti dua pulo ket maysa (21) a municipyo ken walo pulo ket walo (88) a barangay.
Nadisplace met ti sangagasut lima pulo ket pito (157) a pamilya wenno dua gasut uppat a pulo (240) nga indibidual ti agtaltalinaed iti naactivate a sangapulo ket siyam (19) nga evacuation center.
Bayat a dua pulo ket uppat (24) a pamilya wenno walo pulo ket siyam (89) nga indibidual ti makinanaed kadagiti kabagyanda.
Malaksid iti dayta, nailista ti siyam a pulo ket lima (95) a damaged house nu sadino dua pulo ket tallo (23) ti totally damaged ken pito pulo ket dua (72) ti partially damaged.
Agtultuloy met a maipapaay ti food and non-food items kadagiti naapektaran a residente ditoy rehiyon.
Naipaay metten ti pondo a dumanon iti nasurok P865,000.
