BAGUIO CITY – Agsagsagana ita ti lokal a gobyerno ti Kapangan, Benguet para iti maangay a municipal fiesta sadiay inton Mayo 2-6.
Iti panakiyuman ti Bombo Radyo kenni Kapangan Municipal Tourism Officer Verlyn Bastian, kinunana a tunggal Mayo 5 ket ramrambakanda metlaeng ti panakaipasngay ti bigbigbigenda a Municipal Hero a ni Major Bado Dangwa a tubo ti nasao a munisipyo.
Naamuan nga ita a tawen ti maika-siyam a Commemoration of Municipal Hero ti Kapangan.
Kinunanaa karaman iti maangay a municipal fiesta ti panakaipatungpal ti Longest Grand March a maysa kadagiti tradisyunal a sala dagiti residente sadiay.
Manamnama a pasetan daytoy dagiti residente dagiti 15 a babbarangay ti Kapangan.
Maipatungpal metlaeng ti Grand Cañao ken Mr. and Ms. Kapangan 2019 ken Barangay Day.
Manamnama pay a sumarungkar sadiay Kapangan ti sister city daytoy sadiay Guam. -report by Bombo Jorton Campana
