Tarigagay ti munisipyo ti La Trinidad a maaprubaran ti insurat ni Congressman Eric Co Yap a bill seknan iti panagbalin ti amin a capital town ti maysa a probinsya kas maysa a siyudad.
Maibasar met iti maysa a gakat, posible nga agbalin a siyudad ti maysa a munisipyo nu nagun-od daytoy ti dua kadagiti tallo a requirements a pakairamanan ti area, population, ken income.
Iti panakiuman ti Bombo Radyo kenni Romeo K. Salda, Mayor ti La Trinidad, nagun-od ti munisipyo ti La Trinidad ti population a 150,00 nga inhabitants wenno indibidual nga agnanaed iti nasao a munisipyo ken average annual income a P100 million.
Nupay kasta, kurang ti area a masakupan ti nasao a munisipyo gapu ta kasapulan ti 10-K nga ektarya ngem addaan laeng iti 8-K nga ektarya ti La Trinidad.
Innayon ni Salda a maiarig a kasla dagitoy nga ag op-operate kas maysa a siyudad gapu ta kasla metlaeng nga extension ti Baguio City ti munisipyo ti La Trinidad.
