BAGUIO CITY – Napilaanen ti reklamo dagiti nagannak a nangibati ti maladaga iti maysa a transient house sadiay Barangay Lower Rock Quarry, Baguio City idi napan a tawen.
Sumangsango dagitoy iti kaso a panaglabsing iti Article 276 Revised Penal Code wenno Abandoning a minor.
Iti exclusive interview ti Bombo Radyo kenni PMaj. Harriet Bulcio, panakangiwat ti Baguio City Police Office, babaen iti imbestigasyon nga impatungpal dagitoy, naipaay ti ebidensiya rason a nasarakan dagiti nagannak ti maladaga.
Kinuna ni PMaj. Bulcio nga idi naawat dagiti maseknan nga otoridad ti report seknan iti nasao nga insidente ket dagus a nagturongda iti lugar nu sadino nasarakan ti maladaga agarup innem nga oras ti napalabas idi napan a tawen.
Kinuna a nakatulong dagiti residente ken opisyales iti nasao a lugar para iti panakabirok ti nanang ti maladaga.
Innayon ni PMaj. Bulcio a dagiti nangibati iti nasao a maladaga ket aggayem a nagtaud sadiay Manila nu sadino nagpasyarda laeng ditoy siudad.
Kabayatanna, saanen a fit to adopt ti maladaga gapu iti sakit a naalana gapu iti panakaabandona daytoy.
Apela met ni PMaj. Bulcio iti publiko a saan a tuladen ti kapada nga aramid gapu ta nadagsen ti pannusa daytoy ken saan nga aglabing iti linteg ti pagilian.//Bombo Marinel Rodrigo
